- ಡಾ|| ನಿವೇದಿತಾ ಹೆಗಡೆ, ಮೈಸೂರು

ಓ ಬೆಳಕೆ ಬಾ ಬೆಳಗು ಮನದಂತರಾಳವನು

ನೀನೋರ್ವ ಬೆಳಗಬಲ್ಲೆ ಹುದುಗಿರುವ

ಕತ್ತಲನು

ಆ ಮತವು, ಈ ಮತವು

ಹೊಡೆದಾಡಲಿದು ನೆಪವು

ಮೂಲ ತತ್ವವನರಿತರೆ ಜಗದ ಹಿತವು

ಛಲವ ಸಾಧಿಸುವ ಬದುಕು

ಜಗದೋದ್ಧಾರಕೆ ತೊಡುಕು

ಮನುಕುಲವೊಂದೆಯಾದರೂ

ತಮ್ಮತಮ್ಮೊಳಗೆ ಒಡಕು

ಶುದ್ಧ ಶ್ರದ್ಧೆಯ ಮನವು ನೈಜತೆ

ತುಂಬಿದ ಭಕ್ತಿ

ಇಷ್ಟೆ ಸಾಕು, ಪಡೆಯಲು

ಸುಖದುಃಖದಿಂ ಮುಕ್ತಿ.

ಓ ಬೆಳಕೆ ಬಾ ಬೆಳಗು ಸನ್ಮಾರ್ಗದೆಡೆಗೆ

ಅಡ್ಡದಾರಿಯಲಿ ತೊಳಲಿರುವ ಈ

ಜನರಿಗೆ